ექიმის ინფორმაციით, ბაგრატის ტაძრის გალავნიდან გადმოვარდნილი ახალგაზრდის სიცოცხლეს საფრთხე არ ემუქრება

ბაგრატის ტაძრის გალავნიდან გადმოვარდნილი რუსი ტურისტი კლინიკაში იმყოფება. ინტერვენციული მედიცინის ცენტრის დირექტორის გიორგი ხუციშვილის თქმით, მოზარდს შესაბამისი გამოკვლევები ჩაუტარდა და მას ქალატვინის ღია ტრავმა და ქალაფუძის მოტეხილობა დაუდგინდა.

„მისი და მშობლების გადმოცემით, ტრავმა მიღებულია სიმაღლიდან ვარდნის შედეგად. მოყვანისას პაციენტი გონზე იყო. აღენიშნებოდა ღია ჭრილობა შუბლის არეში, თავბრუს ხვევა და თავის ტკივილი. გამოკვლევების შედეგად, დადგინდა დიაგნოზი - ქალატვინის ღია ტრავმა, ჰემატომა შუბლის წილში, ქალაფუძის მოტეხილობა. პაციენტი გადაყვანილია ინტენსიური დაკვირვების პალატაში. ამჟამად საკითხი ოპერაციული მკურნალობის შესახებ არ დგას. გადაკონტროლდება ანალიზები და კვლევები და შემდეგ განისაზღვრება საბოლოო მკურნალობის სტადია. ჯერჯერობით მის სიცოცხლეს საფრთხე არ ემუქრება, - აცხადებს გიორგი ხუციშვილი.

ტურისტი ტაძრის გალავნიდან დღეს გადმოვარდა, ის გალავანზე ფოტოების გადასაღებად იყო ასული.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან