ეპიდემიოლოგ სულხან მაჭარაშვილის ინფორმაციით, ფოთის საზღვაო აკვატორიაში მყოფი ჩინური გემი 24 ნოემბრიდანაა ზღვაში და ჩინეთთან კომუნიკაცია არ ჰქონია

ფოთის საზღვაო აკვატორიაში ჩინური გემი იმყოფება. როგორც ფოთისა და ყულევის პორტების სანიტარული სასაზღვრო ინსპექციის პუნქტის ეპიდემიოლოგმა სულხან მაჭარაშვილმა ჟურნალისტებს განუცხადა, აღნიშნული გემი 24 ნოემბრიდან ზღვაში არის, ჩინეთთან კომუნიკაცია არ ჰქონია და ამჯერად ეკიპაჟის ჩამოსმა ნაპირზე არ იგეგმება.

მათივე ინფორმაციით, გემი ცარიელია, რეიდზე დგას და პორტში ჯერ არ შესულა.

„24 იანვარს ფოთის საზღვაო აკვატორიაში შემოვიდა ჩინური გემი, რომელიც შემოვიდა რუმინეთიდან. გადამოწმებული ინფორმაციით, აღნიშნული გემი ბოლოს ჩინეთში 24 ნოემბერს იმყოფებოდა, მას შემდეგ იქ არ შესულა. ეკიპაჟის წევრები ჩინელები არიან. როგორც ვიცით, აღნიშნული პირები არ აპირებენ დატოვონ გემი. შესაბამისად, კოორდინაციაში ვიმყოფებით საზღვაო ჯანდაცვის ცენტრთან, საქმის კურსში არიან და დღეის მდგომარეობით მათ არ გადმოუციათ დეკლარაციით, რომ არის რომელიმე დაავადებული ან არის რაიმე სახის საშიშროება.

შესაბამისად, ვმოქმედებთ პროტოკოლის მიხედვით. ტვირთი გემზე არ არის. დაიტვირთება ფოთის პორტში და გაემგზავრება. რაც შეეხება კომუნიკაციას, ჩვენ წინასწარ შემოგვდის დეტალური ინფორმაცია ყველა გემზე. წინასწარ ხდება შემოწმება და რისკების შეფასება. გემი დაახლოებით ხვალ შემოვა და დაახლოებით 3-4 დღე დარჩება“, - განაცხადა სულხან მაჭარაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს