2020 წელს გორის მუნიციპალიტეტის სოფელ ნაწრეტში 1 118 მეტრი გზის რეაბილიტაციას 775 317 ლარი მოხმარდება. ამის შესახებ „ინტერპრესნიუსს“ გორის მერიიდან აცნობეს.
მათივე განმმარტებით, გზებზე ასფალტის საფარი საერთოდ არაა და მთლიანად გრუნტითაა დაფარული.
გზის კაპიტალური რეაბილიტაციასთან ერთად მოეწყობა სანიაღვრე ქსელიც.
პროექტით გათვალისწინებული სამუშაოების შესყიდვის მიზნით გამოცხადებული ტენდერის ფარგლებში წინადადებების წარმოდგენის ვადა 30 იანვარს იწურება.