ბორჯომში „სოფლის მხარდაჭერის პროგრამის“ ფარგლებში შეხვედრები დაიწყო

ბორჯომის მუნიციპალიტეტში „სოფლის მხარდაჭერის პროგრამის“ ფარგლებში შეხვედრები დაიწყო.

როგორც „ინტერპრესნიუსს“ ბორჯომის მუნიციპალიტეტის მერიიდან აცნობეს, კრებები მუნიციპალიტეტის 8 სოფელში უკვე შედგა.

მუნიციპალიტეტის მერმა ლევან ლიპარტიამ, მოადგილემ ბუბა ბერიძემ, ინფრასტრუქტურის სამსახურის ხელმძღვანელმა გიორგი ყიფიანმა მოსახლეობას პროგრამის შესახებ მიაწოდეს ინფორმაცია.

როგორც მერმა აღნიშნა, პროგრამით ადგილობრივებს საშუალება ეძლევა თავად გადაწყვიტოს კონკრეტულად თუ რა ინფრასტრუქტურული პროექტის განხორციელებისათვის გამოიყენებს მათი დასახლებისათვის გამოყოფილ თანხას.

კრებებზე მოსახლეობის მიერ წარმოდგენილ საპროექტო წინადადებებს ეყარა კენჭი, ხმათა უმრავლესობით სოფლებში წელს სკვერები, სატრენაჟორო მოედნები, სასმელი წყლის სისტემისა და გარე განათების სამუშაოები ჩატარდება.

უწყების ცნობით, სოფლის მხარდაჭერის პროგრამის ფარგლებში, ცენტრალური ბიუჯეტიდან წელს ბორჯომის მუნიციპალიტეტის სოფლებისათვის ჯამურად გამოყოფილია 456 000 ათასი ლარი, აღნიშნულ თანხას მუნიციპალიტეტი ადგილობრივი ბიუჯეტიდან 100% თანადაფინანსების ფარგლებში იგივე თანხას 456 000 ათას ლარს დაამატებს.

შეხვედრები ბორჯომის მუნიციპალიტეტში „სოფლის მხარდაჭერის პროგრამის“ ფარგლებში ყველა სოფელში 5 თებერვლის ჩათვლით გაგრძელდება.

სოფლების მიერ შერჩეული პროექტები დასამტკიცებლად ბორჯომის მუნიციპალიტეტის საკრებულოს წარედგინება.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი