გიორგი ტყემალაძე საქართველოში ბულგარეთის ელჩს შეხვდა

თბილისის საკრებულოს თავმჯდომარე გიორგი ტყემალაძე საქართველოში ბულგარეთის რესპუბლიკის საგანგებო და სრულუფლებიან ელჩს დესისლავა ივანოვას შეხვდა.

თბილისის საკრებულოს ინფორმაციით, შეხვედრაზე თბილისის საკრებულოს თავმჯდომარემ ქართველ და ბულგარელ ხალხებს შორის ურთიერთობასა და მეგობრობაზე გაამახვილა ყურადღება. მან ბულგარეთის ხელისუფლებას და პირადად ელჩს ევროსტრუქტურებისკენ მისწრაფების გზაზე საქართველოს მხარდაჭერისთვის მადლობა გადაუხადა.

„ქართველებს და ბულგარელებს ისტორიული მეგობრობა გვაკავშირებს. სასიხარულია, რომ ჩვენ ხალხებსა და ქვეყნებს შორის ურთიერთობა და თანამშრომლობა ბოლო წლების განმავლობაში კიდევ უფრო გაღრმავდა. დარწმუნებული ვარ, რომ ერთობლივი მუშაობით, ეს ურთიერთობა კიდევ უფრო მჭიდრო გახდება,“- განაცხადა გიორგი ტყემალაძემ.

მათივე ცნობით, ბულგარეთის ელჩმა დესისლავა ივანოვამ საკრებულოს თავმჯდომარეს შეხვედრისთვის მადლობა გადაუხადა. მან ორი ქვეყნის თანამშრომლობის შესახებ ვრცლად ისაუბრა. შეხვედრაზე თბილისში ბულგარეთის დედაქალაქ სოფიას სახელობის გეოგრაფიული ობიექტის დაარსების საკითხი განიხილეს.

საკრებულოს თავმჯდომარემ და ბულგარეთის ელჩმა ურთიერთობების გაღრმავების მზადყოფნა გამოთქვეს და სამომავლო გეგმები დასახეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის