საპროკურორო საბჭო საქართველოს გენერალური პროკურორობის კანდიდატად წარდგენილ ორ პირს ვალერიან ვაჭარაძეს და დავით ზირაქაშვილს გაესაუბრა. ამის შესახებ „ინტერპრესნიუსს“ საქართველოს პროკურატურიდან აცნობეს.
„მათ საპროკურორო საბჭოს წარუდგინეს საქართველოს პროკურატურის განვითარების ხედვა, სტრატეგია და საპროკურორო საბჭოს წევრების შეკითხვებს უპასუხეს. გასაუბრების პროცესი ღიაობისა და გამჭირვალობის უზრუნველყოფის მიზნით, საპროკურორო საბჭოს ოფიციალურ ვებ-გვერდზე pc.gov.ge და საპროკურორო საბჭოს ფეისბუქ გვერდზე ,,ლაივ სტრიმით“ გადაიცემოდა. საპროკურორო საბჭო ერთიან სიაში შეყვანილ საქართველოს გენერალური პროკურორობის კანდიდატებად წარმოდგენილ პირებთან ინდივიდუალურ გასაუბრებას ხვალ გააგრძელებს“, - ნათქვამია ინფორმაციაში.