საქართველოს პირველი პრეზიდენტის შვილი კონსტანტინე გამსახურდია, გერმანიაში საქართველოს დესპანად დაინიშნა.

როგორც „ინტერპრესნიუსს“ საგარეო საქმეთა სამინისტროში განუცხადეს, კონსტანტინე გამსახურდია დესპანის პოზიციაზე ნოემბრიდან დაინიშნა.

მათივე თქმით, გამსახურდიას აქვს ჟენევაში საერთაშორისო ორგანიზაციებში მუშაობის გამოცდილება. შესაბამისად, როგორც უწყებაში ამბობენ, ამ პოზიციაზე გერმანიასთან მისი კავშირების გათვალისწინებით შეირჩა.

ცნობისთვის, კონსტანტინე გამსახურდია იყო მე-7 მოწვევის პარლამენტის წევრი. 2011 წელს კი პარლამენტმა გამსახურდია გაეროს ჟენევის ოფისის ეგიდით მოქმედი ტელეკომუნიკაციების საერთაშორისო კავშირსა და მეტეოროლოგიის მსოფლიო ორგანიზაციაში საქართველოს მუდმივ წარმომადგენლად დაამტკიცა.