„რუსთავის აზოტის“ ყოფილი თანამშრომლების ინფორმაციით, სასამართლომ საწარმოს 56 პირის სამსახურში აღდგენა და განაცდური შრომითი ანაზღაურების გადახდა დაეკისრა

საქართველოს უზენაესმა სასამართლომ, „რუსთავის აზოტიდან“ გათავისუფლებული თანამშრომლების სარჩელთან დაკავშირებით საბოლოო გადაწყვეტილება მიიღო. როგორც „ინტერპრესნიუსს“ საწარმოს ყოფილმა თანამშრომლებმა აცნობეს, სასამართლოს განჩინებით, სს „რუსთავი აზოტს“, 2017 წლის იანვარში გათავისუფლებული 56 თანამშრომლის სამსახურში აღდგენა და მათთვის იძულებით განაცდური შრომითი ანაზღაურების სრული ოდენობით დაუყოვნებლივ გადახდა დაეკისრა.

სს „რუსთავის აზოტის“ ყოფილი თანამშრომლების ინტერესებს სასამართლოში საქართველოს გაერთიანებული პროფკავშირების იურისტი თამარ სურმავა იცავდა.

აღნიშნულს გამოეხმაურა საქართველოს პროფესიული კავშირების გაერთიანების თავმჯდომარე ირაკლი პეტრიაშვილი.

„რუსთავის აზოტიდან" უსინდისოდ გამოგდებული 56 ადამიანი, ჩვენი და-ძმა, სასამართლოს გადაწყვეტილებით აღდგა სამსახურში და სრულად აუნაზღაურდებათ სამი წლის სახელფასო განაცდური. ზუსტად სამი წელი ვაცხეთ ეს ობლის კვერი და გვიან, მაგრამ მაინც გამოვაცხეთ. მადლობა ამ 56 ღირსეულ და პრინციპულ თანამებრძოლს ნდობისთვის და მოთმინებისთვის, მადლობა ჩვენს პროფესიონალ და გულიან იურისტს თამარ სურმავას, მადლობა ყველა იმ აქტივისტს და მხარდამჭერს ვინც საპროტესტო აქციებში, ყოველგვარი ანგარების გარეშე სოლიდარობას გამოხატავდა,იქნება სოლიდარობა? ყველაფერი გამოვა!“, - განაცხადა ირაკლი პეტრიაშვილმა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)