საპარლამენტო უმრავლესობის ლიდერი მამუკა მდინარაძე გავრცელებულ ინფორმაციას, რომ მოლაპარაკებების მომდევნო რაუნდზე ხელისუფლებამ შესაძლოა, ოპოზიციას საარჩევნო სისტემის ახალი მოდელი შესთავაზოს, რომელიც საკანონმდებლო ორგანოში პროპორციული სისტემით არჩეული დეპუტატების 120-მდე გაზრდას, ხოლო მაჟორიტარების 30-მდე შემცირებას ითვალისწინებს, მოგონილს უწოდებს.
მისი თქმით, ინფორმაცია, რომ ხელისუფლება ოპოზიციას მაჟორიტარების რაოდენობის 30-მდე შემცირებას შესთავაზებს, რომელიღაც „ნიუსრუმში“ ახალი დღის წესრიგის შესაქმნელად მოიგონეს.
„ასეთი ინფორმაცია ვერ გავრცელდებოდა. ეს რომელიღაც „ნიუსრუმში“ მოგონილი ამბავი იქნება, ახალი დღის წესრიგის შესაქმნელად,“- აღნიშნა მდინარაძემ.