გიორგი რურუა მოსამართლეს - საცხოვრებელი ადგილი „ბიძინას ციხე, გლდანი"

თბილისის საქალაქო სასამართლოში ტელეკომპანია "მთავარი არხის" ერთ-ერთი მეწილის, გიორგი რურუას წინასასამართლო პროცესი მიმდინარეობს.

დღევანდელ პროცესზე მტკიცებულებების დასაშვებობაზე იმსჯელებენ. დღესვე გადაისინჯება გიორგი რურუას მიმართ შეფარდებული აღკვეთის ღონისძიება პატიმრობა.

როგორც პროცესის დაწყებამდე საქმის პროკურორმა ვასილ სამხარაძემ ჟურნალისტებს განუცხადა, ისინი რურუას პატიმრობაში დატოვებას მოითხოვენ.

რაც შეეხება დაცვის მხარეს, ისინი გიორგი რურუას გათავისუფლების შუამდგომლობას დააყენებენ.

„თქვენი საცხოვრებელი ადგილი?" - მიმართა მოსამართლე ქეთევან ჯაჭვაძემ გიორგი რურუას, რასთან დაკავშირებითაც, რურუამ უპასუხა, რომ მისი საცხოვრებელი

„ბიძინას ციხეში, გლდანშია".

რურუა სამართალდამცავებმა ცეცხლსასროლი იარაღის უკანონო შეძენა-შენახვა ტარების ბრალდებით დააკავეს.

პროკურატურის ინფორმაციით, გიორგი რურუას ბრალდებას დაემატა ახალი მუხლი, რომელიც სასამართლო გადაწყვეტილების შეუსრულებლობასა და მისი შესრულებისათვის ხელის შეშლას გულისხმობს.

ცნობისთვის, გიორგი რურუა სამართალდამცავებმა 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. მას აღკვეთის ღონისძიების სახით პატიმრობა აქვს შეფარდებული.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა