ქუთაისის მერიაში „ევროპული საქართველოს“ ბრალდებას არ ადასტურებენ

„ევროპული საქართველოს" ბრალდებას ქუთაისის მერიაში არ ადასტურებენ. მერიის შიდა აუდიტის სამსახურის უფროსი ზვიად ჯავახია განმარტავს, რომ ოპოზიციას საზოგადოება შეცდომაში შეჰყავს, რადგან სახელმწიფო აუდიტი მერიაში არ ყოფილა. მისი თქმით, თვითმმართველობის სრულ ხარჯებზე ინფორმაციას მალე გაასაჯაროებენ.

„აღნიშნულ თემასთან დაკავშირებით, შიდა აუდიტის სამსახურში მიმდინარეობს მოკვლევა და უახლოეს მომავალში წარუდგენთ მოსახლეობას ინფორმაციას. ნამდვილად მიუღებელია დემაგოგია და ხალხის შეცდომაში შეყვანა იმ ადამიანებისგან, რომლებიც ხელისუფლებაში ყოფნის დროს სამჯერ მეტს ხარჯავდნენ ხელფასებსა და პრემიებზე და მაგათ დროს ყოველ მეორე თვეს გაიცემოდა პრემიები. ბოლო ორი წელი აუდიტი მერიაში არ ყოფილა და საიდანაა მოპოვებული ეს ინფორმაცია, გაუგებარია“, - განაცხადა ზვიად ჯავახიამ.

მისი თქმით, მერიის სახელფასო ფონდი სამ ნახევარ მილიონს არ აღემატება, რაც შეეხება თვითმმართველობის მთლიან ხარჯებს, ა(ა)იპ-ებსა და შპს-ებს, ამ მიმართულებით მოკვლევის შედეგებს აუდიტის სამსახური საზოგადოებას მალე აცნობებს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა