ჯუმბერ იზორია „შეცვალეს“ წევრებს - ჩემისთანები, რომ არ ყოფილიყვნენ, დღეს, საქართველო დამოუკიდებელი არ იქნებოდა

ჩემისთანები, რომ არ ყოფილიყვნენ, დღეს საქართველო დამოუკიდებელი არ იქნებოდა, ჩემისთანები რომ არ ყოფილიყვნენ, საქართველოში დემოკრატია არ იქნებოდა, - ასე მიმართა „ქართული ოცნების“ წევრმა ჯუმბერ იზორიამ მოძრაობა „შეცვალეს“ წევრებს „ქართული ოცნების“ ჩხოროწყუს სამაჟორიტარო ბიუროში, სადაც მოძრაობის აქტივისტები მივიდნენ.

ცოტა ხნის წინ ჩხოროწყუში, „ქართული ოცნების“ მაჟორიტარი დეპუტატის გოგა გულორდავას სამაჟორიტარო ბიუროსთან მოძრაობა „შეცვალეს“ აქტივისტები მივიდნენ, რასაც მათსა და „ქართული ოცნების“ წევრ ჯუმბერ იზორიას შორის სიტყვიერი შელაპარაკება მოჰყვა.

როგორც „ინტერპრესნიუსს“ მოძრაობა „შეცვალეს“ ერთ-ერთმა წევრმა დიმიტრი ბიძინაშვილმა განუცხადა, მათ ადგილზე პროტესტის ნიშნად საწვავი და კონტრაბანდული სიგარეტი მიიტანეს. მისვე განმარტებით, სამჟორიტარო ბიუროში მივიდნენ იმ მიზნით, რომ კითხვები დაესვათ „ქართული ოცნების“ დეპუტატ გოგა გულორდავასთვის, თუ „რატომ ჩააგდეს პროპორციული საარჩევნო სისტემა”. ამასთან, მისივე თქმით, კითხვები უნდა დაესვათ ასევე „ქართული ოცნების“ წევრ, სამეგრელო-ზემო სვანეთის პოლიციის დეპარტამენტის ჩხოროწყუს რაიონული სამმართველოს ყოფილი უფროსის ჯუმბერ იზორიასთვის „კორუფციული საქმიანობის შესახებ“.

„ქართული ოცნების“ წარმომადგენლებთან კონკრეტული კითხვები გვაქვს, ვინაიდან სამეგრელო გავსებულია კონტრაბანდით, ნეპოტიზმი და კლანური მმართველობაა. ყველგან იზორიები და მათი ნათესავები არიან წარმოდგენილი. კორუფციული გარიგებებით ფორმდება ხელშეკრულებები“, - განაცხადა დიმიტრი ბიძინაშვილმა.

თავის მხრივ, ჯუმბერ იზორიამ „შეცვალეს“ აქტივისტებს უთხრთა, რომ გადაცდომებზე ყველამ კანონის მეშვეობით უნდა აგოს პასუხი.

„ნებისმიერ გადაცდომაზე, ჩემიანი იქნება, თუ სხვა კანონის სიმკაცრით აგებს პასუხს. ყველა უწყებას ვთხოვ, ნებისმიერ ჩემს ნათესავს, თუ ნებისმიერ პიროვნებას კანონი თუ აქვს დარღვეული, მთელი სიმკაცრით აგოს პასუხი“. განაცხადა ჯუმბერ იზორიამ.

ადგილზე მობილიზებული იყო პოლიცია.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი