ლევან დავითაშვილი იმედს გამოთქვამს, რომ წელს კოლხეთის დაბლობის ჭარბტენიანი ტერიტორიები UNESCO-ს დაცვის სიაში მოხვდება

გარემოს დაცვისა და სოფლის მეურნეობის მინისტრი, ლევან დავითაშვილი იმედს გამოთქვამს, რომ წელს კოლხეთის დაბლობის ჭარბტენიანი ტერიტორიები UNESCO-ს დაცვის სიაში მოხვდება. ამის შესახებ დავითაშვილმა უწყების 2020 წლის საქმიანობის ანგარიშის წარდგენისას განაცხადა.

„2019 წელს გავაკეთეთ აპლიკაცია , ჩვენი ჭარბტენიანი ტერიტორიები კოლხეთის დაბლობზე წარდგენილია UNESCO-ს დაცვის სიაში და იმედი გვაქვს, რომ 2020 წელს სასიხარულო ამბავი გვექნება და ბუნების ასეთი მნიშვნელოვანი მემკვიდრეობა იუნესკოს სიაში მოხვდება“,-აღნიშნა დავითაშვილმა.

ამასთან, მინისტრმა გარემოსდაცვითი კუთხით არსებულ პოლიტიკაზეც გაამახვილა ყურადღება და აღნიშნა, რომ სამინისტრო 2019 წელს აქტიურად მუშაობდა ნარჩენების მართვაზე.

„იცით, რომ პლასტიკის პარკების გამოყენება ავკრძალეთ, რაც ხელშესახები შედეგია. დაიწყო მნიშვნელოვანი აღსრულების მექანიზმის გამოყენება და 2020 წლისთვის შეგვიძლია სრული პასუხისმგებლობით ვთქვათ, რომ საქართველოში მხოლოდ ბიოდეგრადირებადი პარკების გამოყენება იქნება შესაძლებელი“,-აღნიშნა მინისტრმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს