აჭარის უმაღლეს საბჭოში ავტონომიური რესპუბლიკის უმაღლესი საარჩევნო კომისიის (უსკო) წევრის ვაკანტურ თანამდებობაზე ასარჩევად წარმოდგენილი კანდიდატურების განხილვის პროცედურები იწყება.
როგორც „ინტერპრესნიუსს“ აჭარის უმაღლესი საბჭოს პრესსამსახურიდან აცნობეს, აღნიშნული საკითხი ბიუროს რიგით მეორე სხდომაზე უმაღლესი საბჭოს თავმჯდომარემ დავით გაბაიძემ წარმოადგინა.
„დავით გაბაიძის განცხადებით, უსკო-ს ერთ-ერთ წევრს გუგული დუაძეს ეწურება უფლებამოსილების ვადა და შესაბამისად, კანონმდებლობის მოთხოვნებიდან გამომდინარე, აჭარის ავტონომიური რესპუბლიკის მთავრობის თავმჯდომარემ უმაღლეს საბჭოს აღნიშნულ თანამდებობაზე ასარჩევად წარუდგინა მალხაზ ბოლქვაძისა და ტარიელ გოგიტიძის კანდიდატურები. ბიურომ განსაზღვრა წამყვანი კომიტეტი და განხილვის ვადები“, - ნათქვამია ინფორმაციაში.