გუდაური სტაბილურად მზარდი სამთო-სათხილამურო კურორტი და ყაზბეგის მუნიციპალიტეტის ერთ-ერთი ყველაზე მნიშვნელოვანი ერთეულია. კურორტის განვითარება, 3 წლიან დინამიკაში, გაორმაგებული ტრანზაქციების რაოდენობით და ტურისტული ნაკადების სიმრავლითაა გამოხატული. ადგილი სხვადასხვა სირთულის სასრიალო ტრასებსა და მრავალფეროვან აქტივობებს აერთიანებს, რისი საშუალებითაც დამსვენებლებს მსოფლიოს ნებისმიერი კუთხიდან იზიდავს. ამას მოწმობს ის ფაქტიც, რომ ცნობილი ბრიტანული ჟურნალის The Telegraph-ის მიხედვით, გუდაური აღმოსავლეთ ევროპის 10 საუკეთესო ზამთრის კურორტს შორის დასახელდა.
2020 წლის ბოლოს გუდაურში ახალი აპარტოტელი “სკიო” გაიხსნება. პროექტი ავეჯითა და ყველა სახის საყოფაცხოვრებო ტექნიკით აღჭურვილ 38 აპარტამენტს მოიცავს. აპარტოტელის თითოეული მახასიათებელი სრულიად მორგებულია ალპური ზონის კლიმატს და ისეთ დეტალებს აერთიანებს, როგორებიცაა: ფასადის თბოიზოლაცია, იატაკის გათბობა, გენერატორი, ავტონომიური წყლის რეზერუარი და ავარიული გათბობის სისტემა.
“სკიო” გუდაურის ერთ-ერთ ყველაზე წყნარ ადგილას მდებარეობს და მომხმარებლებს ski in/ski out კონცეფციას სთავაზობს. Ski in/ski out გულისხმობს აპარტოტელისა და სათხილამურო ტრასების იდეალურ ინტეგრაციას, რაც გუდაურში საკმაოდ იშვიათად გვხვდება. Აპარტოტელის თითოეული დეტალი კარგადაა გათვლილი, ეს კი აფართოებს შესაძლებლობების არეალს მათთვის, ვისაც სურს უძრავი ქონების მრავალფუქნციური გამოყენება და გუდაურში ინვესტიციის განხორციელება.
სკიოს პროექტს ექსკლუზიურად უძრავი ქონების საკონსულტაციო კომპანია Colliers წარმოადგენს, აპარტამენტების წინასწარი გაყიდვები კი უკვე დაიწყო, შესაბამისად, მსურველებს ბინების შერჩევა და დაჯავშნა უკვე შეუძლიათ.
საკონტაქტო ინფორმაცია:
+995 32 2 111 225
contact@skio.ge
(R)