მე მოვიტანე სიგნალიზაცია და გამოვიდა ასაფეთქებელი მოწყობილობა, - ამის შესახებ სასამართლო პროცესზე ძმებ ფეიქრიშვილების საქმეზე ერთ-ერთმა ბრალდებულმა გოჩა თადუმაძემ განაცხადა. მისივე განმარტებით, არანაირი ასაფეთქებელი საშუალება არ ჰქონია.
"მე მოვიტანე სიგნალიზაცია და გამოვიდა ასაფეთქებელი მოწყობილობა. არანაირი ასაფეთქებელი მოწყობილობა თვალით არ მინახავს. 6 თვის ბავშვი მყავს და 87 წლის დედა", - განაცხადა გოჩა თადუმაძემ.
მისმა ადვომატმა თადუმაძის 10 000-ლარიანი გირაოს სანაცვლოდ გათავისუფლების შუამდგომლობა დააყენა.
კიდევ ერთი დაკავებულის იური მჟავანძის ადვოკატის განცხადებით, მჟავანაძე გამოძიებასთან თანამშრომლობს. ადვოკატმა მისი 10 000-ლარიანი გირაოს სანაცვლოდ გათავისუფლების შუამდგომლობა დააყენა.
ძმებ გიორგი და დავით ფეიქრიშვილების შეკვეთილი მკვლელობის მომზადების საქმეზე ბრალდებული ექვსი პირის - ნუგზარ ბეჟანიძის, გოჩა თადუმაძის, გიორგი ბიბილაურის, ბექა ცინცაძის, როლანდ ბერიძისა და იური მჟავანაძის სასამართლო პროცესი მიმდინარეობს.
6 პირიდან 2-ს სახელმწიფო ბრალდება განზრახ მკვლელობის მომზადებას, დანარჩენ 4 პირს კი ფეთქებადი და ასაფეთქებელი ნივთიერების დამზადება და გასაღებას ედავება.