აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ საქველმოქმედო აქცია გამართა
აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ გიორგი მანველიძემ საქველმოქმედო აქცია გამართა. ამის შესახებ „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს.
მათივე ინფორმაციით, გიორგი მანველიძე საქველმოქმედო აქციებს პერმანენტულად აწყობს.
„დეპუტატი, კომიტეტის აპარატის წარმომადგენლებთან ერთად ბათუმში მცხოვრებ ორ მრავალშვილიან ოჯახს ესტუმრა და საკუთარი ხარჯებით შეძენილი პროდუქტი, ტანსაცმელი, სათამაშოები და სხვა საჭირო ნივთები მიუტანა.
ოჯახები ამჯერადაც სოციალური მომსახურების სააგენტოს აჭარის ფილიალთან თანამშრომლობის საფუძველზე შეირჩა. გიორგი მანველიძე, ქველმოქმედების მიზნით, ამ დღეებში კიდევ რამდენიმე მრავალშვილიან ოჯახს ეწვევა“,-ნათქვამია ინფორმაციაში.
