ზუგდიდში 960 დევნილი ოჯახისთვის საცხოვრებელი კორპუსები შენდება
ზუგდიდში, ბარამიას ქუჩაზე დევნილი ოჯახისთვის 8 საცხოვრებელი ბინის მშენებლობის პროცესი აქტიურად მიმდინარეობს. სულ ბინა 960 ოჯახისთვის შენდება. ამის შესახებ „ინტერპრესნიუსს“ სამეგრელო- ზემო სვანეთის სახელმწიფო რწმუნებულის ადმინისტრაციიდან აცნობეს.
მათი ცნობით, 360 ბინის მშენებლობა თებერვალში დასრულდება. პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის დაფინანსებით ხორციელდება.
სამუშაოების მიმდინარეობას სამეგრელო-ზემო სვანეთის სახელმწიფო რწმუნებული ალექსანდრე მოწერელია, მუნიციპალური განვითარების ფონდის დირექტორი გიორგი შენგელია და ზუგდიდის მერი გიორგი (გეგა) შენგელია გაეცნენ.
„რვავე ბინის მშენებლობისთვის სახელმწიფო ბიუჯეტიდან ჯამში 60 მილიონი ლარი იხარჯება.
სამეგრელო- ზემო სვანეთის სახელმწიფო რწმუნებულის ადმინისტრაციის ინფორმაციით, 2013 წლიდან დღემდე ზუგდიდში ბინა 867 დევნილ ოჯახს გადაეცა. სოფლად სახლის პროგრამის ფარგლებში კი, სახლი მიწის ნაკვეთით 602 დევნილ ოჯახს გადაეცა“,-ნათქვამია ინფორმაციაში.
v-if="article.gallery" v-html="article.gallery"
