ზვიად შალამბერიძე საზოგადოებრივ კოლეჯ „იბერიაში" სარეაბილიტაციო სამუშაოებს გაეცნო

საზოგადოებრივ კოლეჯ „იბერიაში" სარეაბილიტაციო სამუშაოები მარტის ბოლოს დასრულდება. ამის შესახებ „ინტერპრესნიუსს" იმერეთში სახელმწიფო რწმუნებულის ადმინისტრაციიდან აცნობეს.

მათი ინფორმაციით, მიმდინარე სამუშაობს იმერეთში სახელმწიფო რწმუნებული ზვიად შალამბერიძე პროფესიული სასწავლებლის დირექტორ ირაკლი ავალიანთან ერთად გაეცნო. პროფესიული სასწავლებლის შენობას სრული რეაბილიტაცია უტარდება. პროექტის ფარგლებში შეიცვალა კარ-ფანჯრები, მოეწყო სპორტული დარბაზი, საკონფერენციო ოთახი, დამონტაჟდა ახალი სანათები, შეიცვალა იატაკი, მოწესრიგდა ფასადი, ასევე მიმდინარეობს სხვა სახის სამშენებლო სამუშაოები.

შენობის რეაბილიტაციას საქართველოს განათლების, მეცნიერების, კულტურისა და სპორტის სამინისტრო მილიონ ექვსასი ათასი ლარით აფინანსებს. სამუშაოების დასრულების შემდეგ აღნიშნულ პროფესიულ სასწავლებელში 300-ზე მეტი სტუდენტი შეძლებს მიიღოს სრულფასოვანი განათლება. ამ ეტაპზე სსიპ კოლეჯში ,,იბერია" მსურველებს 15-მდე სპეციალობის შესწავლა შეუძლიათ, ეს არის ერთ-ერთი პროფესიული სასწავლებელი სადაც სწავლებას სახელმწიფო აფინანსებს. კოლეჯის კიდევ ერთი უპირატესობა თანამედროვე სტანდარტებით მოწყობილი საერთო საცხოვრებელია. რეგიონებიდან ჩამოსული სტუდენტებისთვის ცხოვრება, სწავლების კურსის დასრულებამდე სრულიად უფასოა. სარეაბილიტაციო სამუშაოების დასრულებამდე სტუდენტები სასწავლო პროცესს დროებით სხვა შენობაში აგრძელებენ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა