სამეგრელო - ზემო სვანეთის სამხარეო პოლიციის შენობასთან სამოქალაქო მოძრაობა „შეცვალეს" წევრებმა აქცია გამართეს. აქციის მონაწილეების თქმით, სამეგრელოში პოლიცია კრიმინალებსა და ე.წ. ქურდული სამყაროს წევრებს მფარველობს. მათ ხელში შემდეგი შინაარსის ტრანსფარანტები ეჭირათ: „ბარიგების მფარველი", „გახარიას მილიცია", „ია კერზაიას მკვლელები", „გახარია თვალთხარია". მათ ასევე შენობის შესასვლელთან შემდეგი შინაარსის სტიკერები გააკრეს: „ამ სისტემის დედაც", „შეცვალე" და სიმბოლურად ფქვილი და შპრიცები მიიტანეს.
„ისინი მფარველობენ ქურდულ სამყაროს. არჩევნებზე ჩვენ კარგად ვნახეთ ქურდული სამყაროს წევრები, რომლებიც აკონტროლებდნენ საარჩევნო პროცესებს“, - განაცხადა მოძრაობა „შეცვალეს“ წევრმა ხათუნა შამუგიამ.