„თავისუფალი საქართველო“ - 2 თებერვლის ტრაგედიიდან 28 წელი გავიდა

2 თებერვალს, პარტია „თავისუფალი საქართველოს“ წევრები და ეროვნული მოძრაობის ვეტერანები გმირთა მოედანზე შეიკრიბნენ და კიდევ ერთხელ გაიხსენეს 28 წლის წინ მომხდარი სისხლიანი მოვლენები.

როგორც „ინტერპრესნიუსს“ „თავისუფალი საქართველოდან“ აცნობეს, აქციის მონაწილეები საქართველოს ხელისუფლებისგან 2 თებერვლის ტრაგედიის გამოძიებას, დამნაშავეთა მხილებას და მკვლელების დასჯას მოითხოვენ.

როგორც აქციაზე შეკრებილებს „თავისუფალი საქართველოს“ ლიდერმა, კახა კუკავამ მიმართა, მიუხედავად იმისა, რომ მომხდარიდან თითქმის 3 ათეული წელი გავიდა, ასეთი მასშტაბის დანაშაული არასდროს მიეცემა დავიწყებას და შეუძლებელია ვისაუბროთ სამართლიანობის აღდგენაზე, თუკი პასუხს არ აგებენ ამ სისხლიანი მოვლენების მონაწილეები.

„არცერთ მომდევნო ხელისუფლებას არ გამოუძიებია ეს შემზარავი დანაშაული და პასუხი არ უგია არცერთ მკვლელს.

მშვიდობიანი მანიფესტაციის დახვრეტაში მონაწილე პირები დღემდე თავისუფლად განაგრძობენ ცხოვრებას, მათი ნაწილი სხვადასხვა სახელმწიფო უწყებებში, მათ შორის ვეტერანების საქმეთა სახელმწიფო სამსახურში არიან დასაქმებული და სახელმწიფოს ბიუჯეტიდან იღებენ დაფინანსებას,“- აღნიშნულია პარტიის მიერ გავრცელებულ ინფორმაციაში.

1992 წლის 2 თებერვლის სისხლიანი ტრაგედიიდან, როდესაც სამხედრო საბჭოს შეიარაღებულმა ბანდ-ფორმირებებმა გმირთა მოედანზე, პრეზიდენტ ზვიად გამსახურდიას მხარდასაჭერად შეკრებილ ათასობით მშვიდობიან მომიტინგეს ცეცხლი დამიზნებით გაუხსნეს, 28 წელი გავიდა. შედეგად, დაიღუპა რამდენიმე ათეული მოქალაქე და დაშავდა ასეულობით პირი.

გიორგი კანაშვილი - ჩვენ ერთსა და იმავე „ფილმს“ გვაყურებინებენ, პოლარიზებით ყველა დაიღალა, ხანდახან იქმნება წარმოდგენა, რომ თვითონ პოლარიზების შემოქმედნიც, მაგრამ, სამწუხაროდ, მაინც არაფერი იცვლება
ქართული პრესის მიმოხილვა 27.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP ბიზნესის კორპორაციული სოციალური პასუხისმგებლობის ფორუმზე CSR FORUM 2022 ანგარიშით წარდგა
რომის სასულიერო მუსიკის პონტიფიკალურ ინსტიტუტსა და გიორგი მთაწმინდელის სახელობის საეკლესიო გალობის უმაღლეს სასწავლებელს შორის მემორანდუმი გაფორმდა
„დანკინი“ 2022 წლის ბოლომდე საქართველოში 100-მდე რესტორნით იქნება წარმოდგენილი
ელიტ ელექტრონიქსი 26 წლის იუბილეს აღნიშნავს
„საქართველოს ბანკმა“ ქართველ ემიგრანტებს დამოუკიდებლობის დღე ოთხ  ქვეყანაში ბილბორდებით მიულოცა