ქუთაისის მ. ბალანჩივაძის სახელობის ოპერისა და ბალეტის პროფესიულ სახელმწიფო თეატრში, 4 თებერვალს, პიანისტ დავით ალადაშვილის კონცერტი გაიმართება. ამის შესახებ „ინტერპრესნიუსს“ ქუთაისის მერიიდან აცნობეს.

მათივე ცნობით, ღონისძიების მხარდამჭერი ქუთაისის მუნიციპალიტეტის მერია და ქუთაისის მ.ბალანჩივაძის სახელობის ოპერისა და ბალეტის პროფესიული სახელმწიფო თეატრია.

„4 თებერვალს, 18:00 საათზე, ქუთაისის მ. ბალანჩივაძის სახელობის ოპერისა და ბალეტის პროფესიულ სახელმწიფო თეატრში, პიანისტ დავით ალადაშვილის კონცერტი გაიმართება. მუსიკოსი, ქუთაისის ოპერისა და თეატრის ორკესტრთან და დირიჟორ - რევაზ ჯავახიშვილთან ერთად, მაყურებლის წინაშე პეტრე ჩაიკოვსკის საფორტეპიანო კონცერტი #1 სი-ბემოლ მინორით წარდგება. დავით ალადაშვილი, კლასიკური მუსიკის პოპულარიზაციის მიზნით, ყოველწლიურად მართავს კონცერტებს საქართველოს სხვადასხვა რეგიონში. აღსანიშნავია, 2017 რეგიონალური ტურნე “პიანინო”-ს ერთ-ერთი გამორჩეული კონცერტი სწორედ ქუთაისში ჩატარდა“, - ნათქვამია ინფორმაციაში.