გიორგი ვაშაძე გორის მაჟორიტარ იოსებ მაკრახიძეს - გრცხვენოდეთ, შეიპარეთ პარლამენტში

გრცხვენოდეთ, შეიპარეთ პარლამენტში, გორის მაჟორიტარი ბრძანდებით?! ვერ გიცანით უცებ, - ასე მიმართა "ქართული ოცნების" დეპუტატს, იოსებ მაკრახიძეს "ახალი საქართველოს" ლიდერმა გიორგი ვაშაძემ.

"ქართული ოცნების" დეპუტატები იოსებ მაკრახიძე და სიმონ ნოზაძე პარლამენტში უკანა შესასვლელით შედიოდნენ, რა დროსაც მათთან გიორგი ვაშაძემ მისვლა და პარლამენტის მიერ პროპორციული საარჩევნო სისტემის ჩაგდებასთან დაკავშირებით გასაუბრება ისურვა. ვაშაძეს მხოლოდ ნოზაძე გაესაუბრა.

"სიმართლე გითხრათ, ჩემი შინაგანი განწყობა ასეთი იყო, რომ მე მხოლოდ შერეულ სისტემას ვუჭერდი მხარს, მაგრამ რადგან კონსტიტუციაში ჩავწერეთ, შემდეგ ივნისის მოვლენებიც განვითარდა, ამიტომ დავუჭირე მხარი პროპორციულ საარჩევნო სისტემას. თუმცა, ეს იმას არ ნიშნავს, რომ იმის (მაკრახიძის) არჩევანს პატივი არ ვცე", - აღნიშნა ნოზაძემ.

გიორგი ვაშაძემ უპასუხა, რომ იოსებ მაკრახიძე "ჩვეულებრივად კორუმპირებულია" და ნუ დაიცავდა მას. ვაშაძის თქმით, ხელისუფლებამ საარჩევნი სისტემის ცვლილებასთან დაკავშირებით ქართველი ხალხი მოატყუა და ოპოზიციის მშვიდობიანი პროტესტი მანამდე გაგრძელდება, ვიდრე მათი მოთხოვნა არ დაკმაყოფილდება - 2020 წლის არჩევნები პროპორციული სისტემით ჩატარდეს.

ამ წუთებში პარლამენტის შესასვლელებთან დგანან ოპოზიციის წევრები და აქციის მონაწილეები. მათ საკანონმდებლო ორგანოს შესასვლელებთან ე.წ. სირცხვილის კორიდორი მოაწყვეს, ასევე მოახდინეს შესასვლელების პიკეტირება. სწორედ "სირცხვილის კორიდორებისა" და შეძახილების ფონზე მოუწია რამდენიმე დეპუტატს პარლამენტში შესვლა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა