სოფლის მხარდაჭერის პროგრამის ფარგლებში, დუშეთის მუნიციპალიტეტის მერი ზურაბ სეხნიაშვილი სოფელ ანანურის, ციხისძირის, ავენისის და კადოეთის მოსახლეობას შეხვდა. ამის შესახებ „ინტერპრესნიუსს“ დუშეთის მუნიციპალიტეტის მერიიდან აცნობეს.
მათივე ინფორმაციით, პროექტების შერჩევის მიზნით გამართულ საერთო კრებებზე, მან ისაუბრა პროგრამით დასაფინანსებელ კატეგორიებზე და მოისმინა ინფორმაცია სოფლებში არსებული საჭიროებების შესახებ.
„ პრიორიტეტები საერთო კრების წევრებმა ღია კენჭისყრის პრინციპით შეარჩიეს. კერძოდ, სოფელ ანანურის, ავენისის და კადოეთის მოსახლეობამ გაერთიანებული თანხით სპორტული დარბაზის კეთილმოწყობა გადაწყვიტა, ხოლო სოფელ ციხისძირში მგზავრთა მოსაცდელების აშენების გადაწყვეტილება მიიღეს“,-ნათქვამია ინფორმაციაში.