რუსეთის პრეზიდენტი ვლადიმერ პუტინი ბელარუს კოლეგას, ალექსანდრე ლუკაშენკოს სოჭში შეხვდა. პრეზიდენტების შეხვედრა ერთ საათზე მეტ ხანს გაგრძელდა.
მოგვიანებით, მედიასთან საუბრისას მათ აღნიშნეს, რომ არაერთი მნიშვნელოვანი საკითხი განიხილეს. მათი საუბრის ერთ-ერთი თემა რუსეთისა და ბელარუსის ყოფილ საბჭოთა კავშირის ქვეყნებთან ურთიერთობა იყო. ლიდერებმა ასევე განიხილეს ბელარუსის ნავთობის მომარაგების საკითხები.
შეგახსენებთ, ბოლო რამდენიმე თვეა რუსეთთან ურთიერთობის დაძაბვის ფონზე ბელარუსი ნავთობის ალტერნატიულ გზებს ეძებს. ბელარუსის ხელისუფლება ამ საკითხთან დაკავშირებით მოლაპარაკებებს ნორვეგიასა და არაბთა გაერთიანებულ საამიროებთან აწარმოებს.