საქართველოს რეგიონებში თვითმმართველობის წარმომადგენლებთან შეხვედრები იმართება

გარემოს დაცვისა და სოფლის მეურნეობის სამინისტროს გადაწყვეტილებით, საქართველოს ყველა რეგიონში თვითმმართველობის წარმომადგენლებთან შეხვედრები იმართება. ამის შესახებ „ინსტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.

მათივე ცნობით, თვითმმართველობის წარმომადგენლებთან რიგით მესამე, რეგიონული შეხვედრა ქუთაისში გაიმართა.

მონაწილეებს მისასალმებელი სიტყვით სოფლისა და სოფლის მეურნეობის განვითარების სააგენტოს დირექტორმა, ილია თამარაშვილმა და იმერეთის რეგიონის რწმუნებულის მოადგილემ იოსებ ხახალეიშვილმა მიმართეს.

„სახელმწიფო არაერთ მნიშვნელოვან პროექტს ახორციელებს, რომლის შედეგადაც აგრარულ სექტორში გაზრდილია წარმოება და რეალიზაცია. ათასობით ფერმერმა მიიღო სახელმწიფო პროექტებით სხვადასხვა ტიპის მხარდაჭერა. სახელმწიფო პროექტებზე წვდომის გაზრდისთვის აუცილებელია მაქსიმალური ინფორმაცია მივაწოდოთ ჩვენს მეწარმეებსა და ფერმერებს. ამ მხრივ მნიშვნელოვანია თვითმმართველობების წარმომადგენლების ჩართულობა“, - განაცხადა ილია თამარაშვილმა.

სამინისტროს ინფორმაციით, შეხვედრაზე გარემოს დაცვისა და სოფლის მეურნეობის სამინისტროს შესაბამისი უწყებების წარმომადგენლებმა მიმდინარე და დაგეგმილი პროექტების შესახებ პრეზენტაციები წარმოადგინეს.

გაიმართა დისკუსია, სადაც იმსჯელეს იმ გამოწვევების შესახებ რაც რეგიონში მცხოვრები მოსახლეობის სახელმწიფო პროგრამებში ჩართულობასთან დაკავშირებით არსებობს.

შეხვედრებს ორგანიზებას სამინისტროს უწყება-სოფლისა და სოფლის მეურნეობის განვითარების სააგენტო უწევს.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ