შუხუთი-აცანა-მამათი-ძიმითის გზაზე მოძრაობა მხოლოდ მაღალი გამავლობის ავტოტრანსპორტისთვისაა დასაშვები. ამის შესახებ „ინტერპრესნიუსს“ საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტიდან აცნობეს.
მათივე ინფორმაციით,შიდასახელმწიფოებრივი მნიშვნელობის შუხუთი-აცანა-მამათი-ძიმითის საავტომობილო გზის კმ1-კმ17.5 მონაკვეთზე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა. შეზღუდვა თოვის და ლიპყინულის გამო მოქმედებს.
მათივე ცნობით, გზის ამავე მონაკვეთზე დანარჩენი სახის ავტოტრანსპორტის მოძრაობა აკრძალულია.