ფოთისა და ყულევის სანაპირო ზოლში დღესაც საშტორმო მდგომარეობაა გამოცხადებული. ჰიდროგრაფიული სამსახურის სინოპტიკური სამმართველოს ინფორმაციით, ზღვაზე შტორმი კიდევ 2 დღის მანძილზე შენარჩუნდება.

მათივე ინფორმაციით, დღისით შტორმის სიძლიერე 4-5 ბალი, ღამით კი 3-4 ბალი იქნება. ჰაერის ტემპერატურა დღისით ფიქსირდება 0 გრადუსი, ღამით კი ჰაერის ტემტერატურა -1 -3 გრადუსამდე დაეცემა.

11 თებერვლიდან კი სინოპტიკოსები ტემპერატურის მომატებას ვარაუდობენ. მათივე ინფორმაციით, ზღვაზე შტორმის სიმძლავრე 2 -3 ბალამდე შემცირდება.