მადრიდში მიმდინარე რაგბის ევროპის ჩემპიონატის მატჩში საქართველოს ეროვნული ნაკრები ესპანეთის გუნდს ეთამაშება და პირველი ტაიმის შემდეგ 18-ქულიანი სხვაობით- 5:23 ამარცხებს.

როგორც Sportall.ge წერს, საქართველოს ნაკრების შემადგენლობაში დუბლი შალვა მამუკაშვილმა შეასრულა, 1 ლელო კი დებიუტანტმა აკა ტაბუცაძემ დადო. თედო აბჟანდაძემ 2 ჯარიმა და 1 გარდასახვა გაიტანა.

ესპანელების მხრიდან კი ერთადერთი ლელო ფერერმა დადო.