ბიუროს სხდომაზე ნატო ჩხეიძის ინიციატივის ინიცირება მოხდება, რომელიც 26 მაისის „საქართველოს პრეზიდენტის დღედ“ გამოცხადებას ითვალისწინებს

დეპუტატი ნატო ჩხეიძე 26 მაისის „პრეზიდენტის დღედ“ გამოცხადებას ითხოვს. აღნიშნულის თაობაზე „საქართველოს შრომის კოდექსში“ შესატანი ცვლილების პროექტი ნატო ჩხეიძემ პარლამენტში უკვე დაარეგისტრირა და მისი ინიცირება 10 თებერვლის ბიუროს სხდომაზე მოხდება.

კანონპროექტის ინიციატორი ითხოვს, რომ 9 აპრილი საქართველოს დამოუკიდებლობის დღედ, ხოლო 26 მაისი „საქართველოს პრეზიდენტის დღედ“ დაწესდეს.

„26 მაისს საქართველოს დამოუკიდებლობის დღის აღნიშვნა ისტორიის გადაკეთების მცდელობაა, რადგან 26 მაისი არ შეიძლება იყოს საქართველოს დამოუკიდებლობის დღე სწორედ იმიტომ, რომ 26 მაისს არ დაფუძნებულა საქართველოს დღევანდელი სახელმწიფო.

დამოუკიდებლობის აღდგენის პროცესში ნოე ჟორდანიას როლისა და შემდგომში მისი სტატუსის, ასევე დამოუკიდებელ ქვეყანაში პრეზიდენტის ინსტიტუტის მნიშვნელობიდან გამომდინარე, უმჯობესია 26 მაისს საქართველოს დამოუკიდებლობის დღის ნაცვლად აღინიშნებოდეს საქართველოს პრეზიდენტის დღე”, - აღნიშნავს კანონპროექტის ინიციატორი.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის