ავთანდილ წერეთლის ადვოკატის, კახა წერეთლის განცხადებით, დღევანდელ პროცესზე სხდომის გადადების შუამდგომლობას დააყენებს.

როგორც პროცესის დაწყებამდე ადვოკატმა ჟურნალისტებს განუცხადა, ავთანდილ წერეთელი კვლავ კლინიკაში მკურნალობს და ამ მიზეზით ითხოვს სხდომის გადადებას. მისივე თქმით, პროცესზე შესაბამის სამედიცინო დოკუმენტს წარადგენს.

რაც შეეხება ბრალდების მხარეს, საქმის პროკურორის გიორგი მიქავას განცხადებით, შუამდგომლობის შინაარს გაეცნობიან და პოზიციას შემდეგ დააფიქსირებენ.

შეგახსენებთ, რომ მამუკა ხაზარაძეს და ბადრი ჯაფარიძეს 24 ივლისს ბრალი წარედგინათ ჯგუფურად, 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით). რაც შეეხება ავთანდილ წერეთელს, მას უკანონო შემოსავლის ლეგალიზაციის დახმარებაში ედება ბრალი.