წყალმომარაგების კომპანიის დირექტორი გრიგოლ მანდარია - ქუთაისის მოსახლეობა 24-საათიან წყლის მიწოდებაზე ეტაპობრივად გადადის

ქუთაისის წყალმომარაგების ინფრასტრუქტურის მშენებლობის მეორე ფაზა დასკვნით ეტაპზეა. ამ დროისთვის, ქალაქში ახალ ქსელზე გადართვითი სამუშაოები მიმდინარეობს. ამის შესახებ „ინტერპრესნიუსს“ გაერთიანებული წყალმომარაგების კომპანიის პრესსამსახურიდან აცნობეს.

კომპანიის ინფორმაციით, შესრულებული სამუშაოები წყალმომარაგების კომპანიის დირექტორმა, გრიგოლ მანდარიამ, ქუთაისის სერვის-ცენტრის მენეჯერთან, ადგილობრივი ხელისუფლებისა და კონტრაქტორი კომპანიის წარმომადგენლებთან ერთად ადგილზე დაათვალიერა და პროექტის მიმდინარეობას გაეცნო.

,,კომპანიამ, ქუთაისის წყლის ინფრასტრუქტურის მშენებლობისთვის, დონორი ორგანიზაცირის მხარდაჭერით, დაახლოებით 92 მილიონი ლარის ინვესტიცია განახორციელა. ამ ეტაპზე, აბონენტების ახალ ქსელზე გადართვა ხორციელდება. შემიძლია ვთქვა, რომ პროექტის ფარგლებში ჩატარებული სამუშაოების შედეგად, მოსახლეობის 60 პროცენტს წყალი უწყვეტ რეჟიმში მიეწოდება. უახლოეს პერიოდში ახალ ქსელზე ქალაქ მუზეუმისა და საფიჩხიის ადმინისტრაციული ერთეულები ჩაირთვება. სამუშაოებს ინტენსიურ რეჟიმში ვაგრძელებთ, რათა ძალიან მალე ყველა ქუჩა, დასახლება და მთელი ქალაქი უზრუნველვყოთ 24 საათიანი წყალმომარაგებით’’, - განაცხადა გრიგოლ მანდარიამ.

ცნობისთვის, ქუთაისის წყალმომარაგების სისტემის მშენებლობის მეორე ეტაპის ფარგლებში აშენდა გოდოგანზე ორი და მუხრანში ერთი რეზერვუარი. ასევე, მოეწყო სამი სატუმბი სადგური. გაკეთდა 18 კმ წყლის მაგისტრალური მილსადენი და 200 კმ შიდა გამანაწილებელი ქსელი.

ინფრასტრუქტურული სამუშაოები აზიის განვითარების ბანკმა დააფინანსა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს