სასკოლო თვითმმართველობების გაძლიერების პროგრამის ფარგლებში, ახალგაზრდები გორის მუნიციპალიტეტის მერს შეხვდნენ

სასკოლო თვითმმართველობების გაძლიერების პროგრამის ფარგლებში ახალგაზრდები გორის მუნიციპალიტეტის მერს კონსტანტინე თავზარაშვილს შეხვდნენ. როგორც „ინტერპრესნიუსს“ გორის მერიიდან აცნობეს, შეხვედრაზე მერმა ადგილობრივი თვითმმართველობის თემაზე ისაუბრა და ამომწურავად უპასუხა ახალგაზრდების შეკითხვებსაც, რომლებიც, უმეტესად, სოფლის მხარდაჭერის პროგრამას, სამოქალაქო ბიუჯეტსა და მუნიციპალიტეტის ტენდერებს ეხებოდა.

მათივე ცნობით, ახალგაზრდებმა, საკუთარ დასახლებებში არსებული პრობლემები წამოჭრეს და მათი მოგვარება მოითხოვეს.

,,ახალგაზრდების განათლება, მათი ხელშეწყობა და წახალისება გორის მერიის ერთ-ერთი პრიორიტეტია. ამ მიმართულებით ჩვენთან არაერთი პროგრამა მუშაობს. მოხარული ვარ, რომ ჩართული ხართ ამ პროგრამებში, გაინტერესებთ მუნიციპალიტეტის საქმიანობა და გსურთ მეტი შეიტყოთ თქვენ გარშემო მიმდინარე პროცესებზე. მინდა გთხოვოთ, რომ იაქტიუროთ სოფლის კრებებსა და სხვა შეხვედრებზე, სადაც თქვენს თემში განსახორციელებელი პროექტების შერჩევა მიმდინარეობს, რათა თქვენი ხმა უფრო მძლავრად იყოს წარმოჩენილი მუნიციპალიტეტის საჭიროებების დაგეგმვისას“, - განუცხადა კონსტანტინე თავზარაშვილმა ახალგაზრდებს.

გორის მერიის ინფორმაციით, სასკოლო თვითმმართველობების გაძლიერების პროგრამა გორის მუნიციპალიტეტის მერიაში მეორე წელია ხორციელდება. პროგრამის ფარგლებში რვა თვის განმავლობაში გორის მუნიციპალიტეტში მცხოვრები 14 -16 წლის ასაკის 80-მდე ახალგაზრდა ესწრება ტრენინგებს ადამიანის უფლებების, ლიდერობის, საარჩევნო სისტემის და სხვა საკითხებზე.

ახალგაზრდებისთვის აღნიშნული პროგრამის გარდა გორის მუნიციპალიტეტის მერიაში მუშაობს კულტურის, განათლების, სპორტის ხელშეწყობის პროგრამები, რომელთა მიზანია ახალგაზრდების ინიციატივებისა და პროექტების დაფინანსება, ნიჭიერთა ხელშეწყობა და წარმატებულთა დაჯილდოება.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა