გორში, ხიდისთავში გზის 502 მეტრიანი მონაკვეთისთვის, რომელიც სასაფლაოსკენ მიემართება, 304 345 ლარი დაიხარჯება. ამის შესახებ „ინტერპრესნიუსს“ გორის მერიიდან აცნობეს.

მერიის ინფორმაციით, პროექტის მიხედვით განხორციელდება სავალი ნაწილის ასფალტირება, მოეწყობა გზის მიერთებები და ეზოებში შესასვლელები.

„აღნიშნული გზის მონაკვეთი, სადაც არასოდეს ყოფილა ასფალტის საფარი, ე.წ. ჩინეთის უბანში მდებარეობს. სამუშაოები ხელშეკრულების გაფორმებიდან 2 თვეში უნდა დასრულდეს. ამ ეტაპზე სამუშაოების შესყიდვის ტენდერი მიმდინარეობს“,- ნათქვამია გორის მერიის მიერ გავრცელებულ ინფორმაციაში.