იმერეთში სახელმწიფო რწმუნებული ზვიად შალამბერიძე უკრაინაში სამუშაო ვიზიტის ფარგლებში ხერსონის ოლქის გუბერნატორს იური გუსევს შეხვდა

იმერეთში სახელმწიფო რწმუნებული ზვიად შალამბერიძე უკრაინაში სამუშაო ვიზიტის ფარგლებში ხერსონის ოლქის გუბერნატორს იური გუსევს შეხვდა. ამის შესახებ „ინტერპრესნიუსს“ იმერეთის სახელმწიფო რწმუნებულის ადმინისტრაციიდან აცნობეს.

მათი ინფორმაციით, სახელმწიფო რწმუნებულთან ერთად შეხვედრას ოდესაში საქართველოს კონსული თორნიკე ბერეკაშვილი, ქართული სავაჭრო სახლის ხელმძღვანელი სანდრო თოფურია და სამშენებლო კოლეჯ "კონსტრუქტ2"-ის დირექტორი თამარ ზაქარაშვილი ესწრებოდნენ.

შეხვედრაზე ტურიზმისა და ბინზესის სფეროში, ასევე ინფრასტრუქტული პროექტების კუთხით თანამშრომლობისა და რეგიონების დამეგობრების საკითხები განიხილეს. მხარეებმა ხერსონის ოლქის და იმერეთის დამეგობრების გადაწყვეტილება მიიღეს. აღნიშნულთან დაკავშირებით ოფიციალური ხელმოწერის ცერემონიალი 2 მაისს, ქუთასში "გვირილობის" დღესასწაულზე გაიმართება.

სახელმწიფო რწმუნებულის ადმინისტრაციის ინფორმაციით, როგორც ხერსონის ოლქის გუბერნატორმა შეხვედრაზე აღნიშნა, საქართველო სამაგალითოა ბევრი კუთხით და მისი გამოცდილების გაზიარება მნიშვნელოვანია სხვადასხვა სფეროში, მათ შორის, მეღვინეობის კუთხით, რადგან ხერსონში ეს დარგი განვითარების საწყის ეტაპზეა. იური გუსეევის თქმით, იმერეთში ვიზიტის ფარგლებში ის ღვინის მარნებს ეწვევა და დეტალურ ინფორმაციას მიიღებს.

"ძალიან საინტერესო და შთამბეჭდავი შეხვედრა იყო, განვიხილეთ თანამშრომლობის საკითხები და ვფიქრობ, ამ ორი რეგიონის თანამშრომლობა ძალიან წარმატებული იქნება. ჩვენ ამჟამად განვითარების იმ ეტაპზე ვართ, სადაც სხვადასხვა ქვეყნების და რეგიონების გამოცდილებები გვჭირდება და წაგვადგება, მათ შორის ხერსონის ოლქის, რომელსაც ასევე აქვს აეროპორტი და შეხვედრაზე ქუთაისი-ხერსონას შორის ავიამიმოსვლის საკითხიც დაისვა", - განაცხადა იმერეთში სახელმწიფო რწმუნებულმა.

როგორც ოლქის გუბერნატორმა აღნიშნა, ავიამიმოსვლის საკითხზე მუშაობა აუცილებლად გაგრძელდება, რათა უკრაინის მოქალაქეებმა ხერსონიდან ქუთაისში და ქუთაისიდან ხერსონში ჩასვლა პირდაპირი რეისებით შეძლონ. სახელმწიფო რწმუნებულმა ხერსონის ოლქის გუბერნატორი ადგილობრივი ბიზნესწრეების წარმომადგენლებთან ერთად ქუთაისში მიიწვია, შეთანხმდნენ, რომ ისინი 3-4 მაისს ქუთაისში საერთაშორისო ბიზნესფორუმში მიიღებენ მონაწილეობას. დღესვე, ზვიად შალამბერიძე ქალაქ ხერსონის მერს შეხვდა და თანამშრომლობის საკითხები განიხილა.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“