სასამართლოს განაჩენის აღსრულების მიზნით, გიგი უგულავა შინაგან საქმეთა სამინისტროს ადმინისტრაციულ შენობაშია დაბარებული. ამის შესახებ „ინტერპრესნიუსს“ შინაგან საქმეთა სამინისტროში განუცხადეს.
„საქართველოს უზენაესი სასამართლოს 2020 წლის 10 თებერვლის განაჩენის აღსრულების მიზნით, გიორგი უგულავა დაბარებულია შინაგან საქმეთა სამინისტროს ადმინისტრაციულ შენობაში. მსჯავრდებულ გიორგი უგულავას ადვოკატის განმარტებით, გიორგი უგულავა 22:00 საათზე გამოცხადდება შსს-ს ადმინისტრაციულ შენობაში”, - აცხადებენ შსს-ში.
ამ წუთებში „ევროპული საქართველოს“ ერთ-ერთი ლიდერი გიგი უგულავა შსს-ს ადმინისტრაციული შენობისკენ მიემართება.