ნიკა გვარამია - პროკურატურას "რუსთავი 2" სამინისტრო ჰგონია - ერთადერთი, ვისაც აწუხებს გვარამიას მხრიდან „რუსთავი 2"-სთვის მიყენებული ზიანი, პროკურატურაა

ერთადერთი, ვისაც აწუხებს ნიკა გვარამიას მხრიდან "რუსთავი2"-სთვის მიყენებული ზიანი, არის საქართველოს პროკურატურა, - ამის შესახებ "რუსთავი2"-ის ყოფილმა გენერალურმა დირექტორმა ნიკა გვარამიამ სასამართლო პროცესზე განაცხადა. ნიკა გვარამია ამ წუთებში, თბილისის საქალაქო სასამართლოში შესავალ სიტყვას წარმოთქვამს.

როგორც გვარამია აცხადებს, მის მიმართ კონკრეტული ინტერესი არსებობს და მის წინააღმდეგ დაწყებულ საქმეს სისხლის სამართალთან კავშირი არ აქვს.

"ეს პროცესი პოლიტიზირებულია. ბრალი არ ეფუძნება არანირ სისხლისსამართლებრივ ქმედებებს, არანაირ სისხლისამართლებრივ გადაცდომებს, ეფუძნება ქმედებებს, რომელიც მაქსიმუმ, სამოქალაქო წარმოების საფუძველი იყოს. შეგახსენებთ, რომ სამოქალაქო წარმოებაც კი არ არის დაწყებული ამ ქმედებებთან დაკავშირებითი იმ ბენეფიციარების მხრიდან, ვისაც ამის უფლება ჰქონდა. არც დღევანდელი ბენეფიციარები, "რუსთავი 2"-ის მესაკუთრეები არ აწარმოებენ ნიკა გვარამიასთან სამოქალაქო-სამართლებრივ დავას მიყენებული ზიანის თაობაზე. ერთადერთი ვისაც აწუხებს ნიკა გვარამიას მხრიდან „რუსთავი 2"-სთვის მიყენებული ზიანი, არის საქართველოს პროკურატურა. ეს აბსოლუტურად არანორმალური ვითარებაა, როცა დღევანდელი მესაკუთრე ქიბარ ხალვაშიც კი არ აწარმოებს ჩემ წინააღმდეგ სამოქალაქო-სამართლებრივ დავას და აწარმოებს საქართველოს პროკურატურა. პირველი ეპიზოდი ჩემ მიერ "რუსთავი2"-ის თანხების, 6 მილიონის გაფლანგვას ეხება, კვალიფიკაცია სრულიად არასწორია, არაკომპეტენტურია. ეს ადამიანები არ გამოირჩევიან სისხლის სამართალში კომპეტენციით, არც ბიზნესზე აქვთ წარმოდგენა, ძალიან სუსტები არიან სისხლის სამართალში", - განაცხადა გვარამიამ.

მისივე თქმითვე, მის საქმეზე საბრალდებო დასკვნა მოქალაქემ რომ წაიკითხოს, შთაბეჭდილება დარჩება, რომ კონრტოლის პალატის დასკვნის საფუძველზე მინისტრს ასამართლებენ. გვარამიას თქმითვე, პროკურატურას "რუსთავი 2" სამინისტრო ჰგონია.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ