ჩრდილოეთ მაკედონიის პარლამენტმა ნატო-ში გაწევრიანების შესახებ პროტოკოლის რატიფიცირება განახორციელა.

120-წევრიან საკანონმდებლო ორგანოში დოკუმენტს სხდომაზე მყოფი 116 დეპუტატიდან 114-მა დაუჭირა მხარი.

„მსოფლიოს ყველაზე ძლიერ სამხედრო-პოლიკიტური ალიანსის წევრობა არა მხოლოდ პრივილეგიაა, არამედ უზარმაზარი პასუხისმგებლობაც,“ - მიმართა დეპუტატებს მაკედონიის პრეზიდენტმა სტევო პენდაროვსკიმ.

აღსანიშნავია, რომ საბერძნეთი მაკედონიის ნატოში შესვლას სახელ "მაკედონიის" გამო, რომელიც ჩრდილოეთ საბერძნეთის ისტორიულ რეგიონს და იუგოსლავიის ყოფილ რესპუბლიკას საზიარო ჰქონდათ, რამდენიმე წლის მანძილზე ბლოკავდა. აღნიშნული დავა მას შემდეგ მოგვარდა, რაც მაკედონიას სახელი გადაერქვა და მისი ოფიციალური სახელწოდება ჩრდილოეთ მაკედონიის რესპუბლიკა გახდა.