პალესტინის ლიდერმა გაერო-ს უშიშროების საბჭოს მიმართა

პალესტინის ლიდერმა, მაჰმუდ აბასმა გაერო-ს უშიშროების საბჭოს მიმართა. მან დონალდ ტრამპის მიერ ინიცირებულ ახლო აღმოსავლეთის სამშვიდობო გეგმის შესახებ ისაუბრა და განაცხადა, რომ აღნიშნული გეგმა რეგიონს მშვიდობასა და სტაბილურობას არ მოუტანს.

„მე თქვენთან დღეს მოვედი, რომ ხელახლა გავიმეორო ჩემი პოზიცია, რომელიც ისრაელ-ამერიკის წინადადებას ეწინააღმდეგება. ეს არის სახელმწიფო, რომელსაც ისინი გვაძლევენ. ის ნამდვილად შვეიცარულ ყველს ჰგავს, რომელი თქვენგანი დათანხმდებოდით მსგავს სახელმწიფოს მგავსი პირობებით?“ - განაცხადა აბასმა.

მისივე თქმით, აშშ არ შეიძლება იყოს ერთადერთი მედიატორი.

„ჩვენ იმედი გვჭირდება. გთხოვთ, ნუ წაგვართმევთ ამ იმედს“,- განაცხადა აბასმა.

თემაზე მოგვიანებით კომენტარი ისრაელის პრემიერ-მინისტრმა, ბენიამინ ნეთანიაჰუმ გააკეთა. მისი თქმით, აღნიშნული გეგმა „რეალობას აღიარებს“.

„ეს არ არის შვეიცარიული ყველი. ეს არის საუკეთსესო გეგმა ახლო აღმოსავლეთისთვის და ასევე ისრაელისთვის და პალესტინისთვის. გეგმა აღიარებს რეალობას და ისრაელის ხალხის უფლებებს, იმას რასაც თქვენ მუდმივად უარყოფთ“,-განაცხადა ნეთანიაჰუმ.

შეგახსენებთ, აშშ-ის პრეზიდენტმა, დონალდ ტრამპმა ახლო აღმოსავლეთის სამშვიდობო გეგმა წარადგინა. გეგმა იერუსალიმს ისრაელის განუყოფელ დედაქალაქად აღიარებს და მდინარე იორდანეს დასავლეთ სანაპიროზე ებრაული დასახლებების სუვერენიტეტს უჭერს მხარს. ინიციატივა გააკრიტიკეს პალესტინის ლიდერებმა. გეგმა უარყო ევროკავშირმა. მასზე უარი თქვა 57 სახელმწიფოსგან შემდგარმა ისლამური თანამშრომლობის ორგანიზაციამაც.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა