ესტონეთის საგარეო საქმეთა სამინისტრო „ტვიტერის“ საკუთარ გვერდზე, „ევროპული საქართველოს“ ერთ-ერთი ლიდერის, გიგი უგულავას დაკავებას ეხმაურება.

„ჩვენ შეშფოთებით თვალყურს ვადევნებთ საქართველოს უზენაესი სასამართლოს მიერ გიგი უგულავას წინააღმდეგ გამოტანილ გადაწყვეტილებას. გარემოებები, რომელიც ამ ვერდიქტს ახლავს თან, ვერ შეუწყობს ხელს პოლიტიკური დიალოგის გაგრძელებას, რომელიც ასე საჭიროა საქართველოს პოლიტიკური მდგომარეობის დეპოლარიზაციისთვის“,-ნათქვამია განცხადებაში.