ცხოველებზე კორონავირუსის საწინააღმდეგო ვაქცინა გამოსცადეს. საინფორმაციო სააგენტო Xinhua-ს ინფორმაციით, ამის შესახებ ახალი ამბების პორტალ yicai.com ჩინეთის დაავადებათა პროფილაქტიკისა და კონტროლის ცენტრზე დაყრდნობით იუწყება.
მათი ინფორმაციით, ვაქცინა კვირას 100-ზე მეტ თაგვზე გამოცადეს. ცენტრის მაღალჩინოსანი აცხადებს, რომ ცხოველებზე ტესტირება ვაქცინის შემუშავების ადრეულ სტადიაზე იმყოფება და ჯერ კიდევ ბევრი ნაბიჯია გადასადგმელი, ვიდრე ვაქცინა საბოლოოდ იქნება მზად ადამიანებისთვის გამოსაყენებლად.
მისივე ინფორმაციით, თაგვების შემდეგ, ვაქცინის გამოცდა დაიწყება ტოქსიკურობაზე, რისთვისაც საჭირო იქნება გაცილებით დიდი ზომის ცხოველებზე გამოცდის ჩატარება, როგორებიც არიან მაიმუნები.