ქსელის გეგმური სარეაბილიტაციო სამუშაოების გამო, 13 თებერვალს 11:00-დან 15:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში არღუნი, ჯავახიანთკარი, პირმისაანთ-ვარსიმა, ჩირდილელიანი, ბაზალეთი, ჩუბინიანთკარი და მიმდებარე სოფლებში, 11:00-დან 18:00 საათამდე აბონენტებს მცხეთის რაიონის სოფლებში მუხრანი და პატარა ქანდა. ამის შესახებ „ინტერპრესნიუსს“ კომპანია „ენერგო-პრო ჯორჯიას“ პრესსამსახურიდან აცნობეს.

მათი ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.