გლდანში, ხიზანიშვილის ქუჩაზე მდებარე „მეგატექნიკის“ მაღაზია გაქურდეს. როგორც კომპანიის წარმომადგენელმა, გიორგი ქავთარაძემ „ინტერპრესნიუსს“ განუცხადა, მაღაზია დაახლოებით, ღამის 2 საათზე, სავარაუდოდ არასრულწლოვნებმა გაქურდეს. მისი ინფორმაციით, მათ დიდი ქვებით ვიტრინა ჩაამსხვრიეს და ამ გზით შევიდნენ მაღაზიაში. მისივე განცხადებით, ზარალი, დაახლოებით, 10 000 ლარამდეა.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს. უწყების ცნობით, საქმეზე ერთი პირია დაკავებული. მათივე ინფორმაციით, ნაქურდალი ტელეფონების ნაწილი ნივთმტკიცებად ამოიღეს.