მეგობრის მკვლელობასა და პოლიციელებზე თავდასხმაში ბრალდებულ ბექა კვიციანს ბრალი სასამართლოს უპატივცემულობაზეც წაუყენეს. აღნიშნულ ფაქტთან დაკავშირებით წინასასამართლო სხდომა ამ წუთებში დასრულდა.
სახელმწიფო ბრალდების მიერ წარმოდგენილი მტკიცებულებები დაცვის მხარემ სადაო გახადა.
ბექა კვიციანის ადვოკატის მუხრან ღურწკაიას განცხადებით, მისი დაცვის ქვეშ მყოფს მიაჩნია, რომ მას უკანონო ბრალი წაუყენეს, რის გამოც ის გაღიზიანდა, თუმცა, აცხადებს რომ მოსამართლისთვის შეურაცხყოფა არ მიუყენებია.
შეგახსენებთ, რომ საქმე ეხება ბექა კვიციანის მხრიდან სასამართლო პროცესზე მოსამართლის მიმართ სიტყვიერ შეურაცხყოფას.
ბექა კვიციანს ბრალი სისხლის სამართლის კოდექსის 366-ე მუხლის მეორე ნაწილით აქვს წარდგენილი, რაც სასამართლოს უპატივცემლობას გულისხმობს.