რუსეთის ანტი-ნარკოტიკულმა პოლიციამ რუსული BBC-ის, „რადიო თავისუფლების“ და „მედუზას“ წინააღმდეგ გამოძიება დაიწყო, მას შემდეგ რაც გავლენიანი გამოცემები გარკვეულმა დეპუტატებმა ნარკოტიკების მოხმარების პროპაგანდაში დაადანაშაულეს. ინფორმაციას The Moscow Times-აქვეყნებს.

სახელმწიფო დუმის დეპუტატის ვასილი პისკარიოვის თქმით, მედიასაშუალებები „აქტიურად აშუქებენ“ მსგავს თემებს და მათი ქმედებები უნდა შეიზღუდოს.

„უცხოური გავლენები მიზნად ისახავს, რომ გაიზარდოს ნარკოტიკების მომხმარებელთა რაოდენობა, განსაკუთრებით ბავშვების. ეს საფრთხეს უქმნის ქვეყნის დემოგრაფიულ ზრდას და რუსი საზოგადოების მცდელობას შეინარჩუნოს ტრადიციული მორალური ღირებულებები“,-განაცხადა პისკარიოვმა.

რუსეთის ანტი-ნარკოტიკული პოლიციის ხელმძღვანელის თქმით, ინსპექტირება ტარდება რუსული BBC-ის, „რადიო თავისუფლებისა“ და „მედუზას“ ოფისებში.

ცნობისთვის, რუსეთის დუმამ ჩამოაყალიბა სპეციალური კომისია რუსეთშის შიდა საკითხებში უცხოეთი ჩარევასთან დაკავშირებით მას შემდეგ, რაც მოსკოვში მასობრივი ანტისამთავრობო აქციები გაიმართა. მას შემდეგ კომისიამ არაერთხელ დაადანაშაულა უცხოური საინფორმაციო საშუალებები, აშშ – ს დიპლომატები და Google– ი, რომ ისინი ხალხს ახალისებდნენ, გამოსვლებს შეერთებოდნენ.