დიდთოვლობის გამო, ტყიბულის მუნიციპალიტეტში ტრანსპორტი შეფერხებით მოძრაობს

ტყიბულის მუნიციპალიტეტში, თოვლის საფარი ერთ მეტრზე მეტია, რის გამოც შეფერხებით მოძრაობს ავტოტრანსპორტი როგორც ქალაქის, ასევე სოფლების მიმართულებით. ამის შესახებ „ინტერპრესნიუსის“ რეგიონული კორესპონდენტი იტყობინება.

როგორც ადგილობრივები ამბობენ, ამ დრომდე არ არის გაწმენდილი შიდა სასოფლო გზები, ვერ მოძრაობს ტრანსპორტი და ფაქტობრივად გადაადგილება შეუძლებელია.

როგორც ტყიბულის მუნიციპალიტეტის მერიაში „ინტერპრესნიუსს“ განუცხადეს, დიდთოვლობის გამო, გზების გაწმენდითი სამუშოები დილიდან დაიწყო.

მათივე ცნობით, მობილიზებულია სპეციალური ტექნიკა, რომლის საშუალებითაც იწმინდება ქალაქის ცენტრალური, შიდა საუბნო და სოფლებთან დამაკავშირებელი გზები.

„ადგილობრივი ხელისუფლება მაქსიმალურ ყურადღებას იჩენს მუნიციპალიტეტში შემავალი ყველა სოფლის მიმართ და არსებული რესურსის გამოყენებით ატარებს შესაბამის ღონისძიებებს დიდთოვლობით გამოწვეული პრობლემების გადასაჭრელად“, - აცხადებენ მერიაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში