ენერგოომბუდსმენი გორში მცირე საოჯახო ტიპის სასტუმროების მფლობელებს შეხვდა

ენერგოომბუდსმენი სალომე ვარდიაშვილი გორში მცირე საოჯახო ტიპის სასტუმროების მფლობელებს შეხვდა. როგორც „ინტერპრესნიუსს“ ენერგოომბუდსმენის პრესსამსახურიდან აცნობეს, შეხვედრა დემოკრატიული ჩართულობის ცენტრის ინიციატივით გაიმართა.

მათივე ინფორმაციით, სალომე ვარდიაშვილმა ე.წ. წყლის ჰიბრიდული ტარიფის და გაზის ტარიფის რეგულაციების შესახებ პრეზენტაცია წარადგინა, რაც მცირე მეწარმეებისთვის ინტერესის ძირითად თემას წარმოადგენდა.

„მომხმარებლებმა ჰიბრიდული ტარიფის ნორმების დარღვევებზე და შპს „საქართველოს გაერთიანებული წყალმომარაგების კომპანიის“ არასათანადო ქმედებებზე ისაუბრეს. დააფიქსირეს საკუთარი მოსაზრებები აღნიშნული რეგულაციის ცვლილებებთან დაკავშირებით. მოქალაქეებმა ოფიციალური განცხადებითაც მიმართეს ენერგოომბუდსმენს და საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარეს.

შეგახსენებთ, რომ ნებისმიერ ფიზიკურ და იურიდიულ პირს უფლება აქვს მიმართოს ენერგოომბუდსმენის აპარატს განცხადებით, ასევე სამართლებრივი კონსულტაციების მისაღებად. ენერგოომბუუდსმენის სამსახურის ნებისმიერი მომსახურება უსასყიდლოა“,-ნათქვამია ინფორმაციაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში