მიუნხენის კონფერენციის დროს აშშ-ის სახელმწიფო მდივანმა და ავღანეთის პრეზიდენტმა სამშვიდობო შეთანხმება განიხილეს, რომელიც ავღანეთიდან ამერიკის ჯარების გაყვანას ითვალისწინებს. ამ ინფორმაციას Euronews ავრცელებს. კონფერენციის ფარგლებში, ერთმანეთს აშშ-ის სახელმწიფო მდივანი მაიკ პომპეო, თავდაცვის მდივანი მარკ ესპერი და ავღანეთის პრეზიდენტი აშრაფ ღანი შეხვდნენ.

მხარეები შეთანხმდნენ, რომ უახლოეს მომავალში გაიმართება შეხვედრა, სადაც ავღანეთის კონფლიქტში ჩართული ყველა მხარე მიიღებს მონაწილეობას და ისინი ქვეყანაში სიმშვიდის დასამყარებელ გზებს განიხილავენ.

ამასთანავე შეხვედრის დროს საბოლოოდ გახდება ცნობილი, თუ როდის დატოვებენ ნატო-ს ჯარები ავღანეთს. შეგახსენებთ, ამ დროისთვის ავღანეთში ნატო-ს 20 000 ჯარისკაცი იმყოფება, რომლეთა შორის 12 000 ამერიკელია.