სოფელ ეწერთან ავტოსაგზაო შემთხვევის შედეგად ორი ადამიანი დაშავდა. თბილისი-სენაკი-ლესელიძის 209-ე კილომეტრზე ერთმანეთს მსუბუქი ავტომობილი და სატვირთო მანქანა შეეჯახნენ.
ავტოსაგზაო შემთხვევის შედეგად დაშავდნენ მსუბუქი ავტომობილის მძღოლი და მგზავრი,რომლებიც საავადმყოფოში არიან გადაყვანილი.
ავტოსაგზაო შემთხვევის გამო, საავტომობილო გზაზე მოძრაობა გარკვეული დროის მანძილზე შეფერხებული იყო.
შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის მეორე ნაწილით დაიწყო.