ექიმების ინფორმაციით, უბისაში ავტომაგისტრალის მშენებელი კომპანიის საამქროს სახურავის ჩამონგრევის შედეგად დაშავებული მუშის ჯანმრთელობის მდგომარეობა სტაბილურია

გუშინ უბისაში ავტომაგისტრალის მშენებელი კომპანიის საამქროს სახურავის ჩამონგრევის შედეგად დაშავებული მუშის, ვალერი ბანცაძის ჯანმრთელობის მდგომარეობა სტაბილურია.

დაშავებული მკურნალობას კვლავ ქუთაისის ინტერვენციული მედიცინის ცენტრში აგრძელებს.

ექიმის ინფორმაციით, 64 წლის მამაკაცს ნეკნების მოტეხილობა და ფილტვების დაჟეჟილობა აღენიშნება.

დაშავებული იმერეთის გუბერნატორმა ზვიად შალამბერიძემ მოინახულა. მომხდარზე მიმდინარეობს გამოძიება. პროფკავშირების ინფორმაციით, ადგილზე უსაფრთხოების ზომები დაცული არ იყო.

შეგახსენებთ, გუშინ, რიკოთის უღელტეხილზე, უბისას მონაკვეთზე, ავტომაგისტრალის სამშენებლო სამუშაოებზე დასაქმებული მუშები დაშავდნენ. ადგილზე მინი საწარმოს რკინის კონსტრუქცია ჩამოიშალა. ჩამონგრევის დროს 5 ადამიანი დაშავდა, აქედან ოთხი შედარებით მსუბუქად იყო, ერთი კი ქუთაისის დასავლეთ საქართველოს ინტერვენციული მედიცინის ცენტრში გადაიყვანეს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა